Back

ⓘ Գէորգ Պետիկեան, հրապարակագիր, արձակագիր, Հայ լեզուի ու միտքի հանրածանօթ մշակ, երկարամեայ տնօրէն եւ դաստիարակ, հայ մամուլի ու յատկապէս Ասպարէզ ի աշխատակից, հայ մ ..



                                     

ⓘ Գէորգ Պետիկեան

Գէորգ Պետիկեան, հրապարակագիր, արձակագիր, Հայ լեզուի ու միտքի հանրածանօթ մշակ, երկարամեայ տնօրէն եւ դաստիարակ, հայ մամուլի ու յատկապէս "Ասպարէզ" ի աշխատակից, հայ մշակոյթի եւ հասարակական գործիչ: Հայաստանի Գրողներու Միութեան անդամ:

                                     

1. Կենսագրութիւն

Գէորգ Պետիկեան ծնած է Հալէբպ: Նախնական ուսումը ստացած է Հալէպի ազգ. "Հայկազեան" վարժարանին մէջ, ուր չորրորդ դասարանի հայերէն լեզուի ուսուցիչը եղած է Գէորգ Գանտահարեանը։ իսկ երկրորդականը՝ տեղւոյն "Քարէն Եփփէ" ազգ. ճեմարանէն, ուր եւ պաշտօնավարած է ընթացաւարտ ըլլալէ ետք: Ուսանած է քիմիագիտութիւն՝ Դամասկոսի պետական համալսարանին մէջ։ 1970-ին հաստատուած է Պէյրութ եւ աւարտած տեղւոյն Սէն Ժոզէֆ համալսարանի հայագիտական բաժինը:

1975-ին ընտանիքին հետ հաստատուած է Ամերիկայի Միացեալ Նահանգներ, նախ Տիթրոյիթ եւ ապա 1980-ին՝ Կլէնտէյլ:

Դամասկոսի, Հալէպի, Պէյրութի եւ Միացեալ Նահանգներու մէջ շուրջ քառասուն տարիներ ուսուցչական իր ասպարէզին առընթեր ունեցած է նաեւ ազգային, հանրային եւ հրապարակագրական բեղուն գործունէութիւն:

                                     

2. Գէորգ Պետիկեանի մտքի պարտքը

Գէորգ Պետիկեան պարզօրէն կը բնութագրէ իր տարած աշխատանքը ըսելով՝ "իմս՝ պարզապէս սրտի, խղճի եւ մտքի պարտքս է, որ կը կատարեմ։

Տղոցս միշտ ըսած եմ "Եթէ Լիզան կինս է, ապա գիր կամ գրականութիւնը՝ սիրուհիս։"

                                     

3. Կրթական պաշտօնավարութիւն

1981-1997 իբրեւ տնօրէն եւ հայերէն լեզուի ուսուցիչ պաշտօնավարած է ՀՕՄի Փասատինայի "Սօսէ" մասնաճիւղի Շաբաթօրեայ վարժարանէն ներս: 1997-էն ի վեր նոյն պաշտօնը կը վարէ ՀՕՄի Քրեսէնթա Հովիտի "Թալին" մասնաճիւղի հովանաւորած Շաբաթօրեայ վարժարանին մէջ:

                                     

4.1. Գրականութիւն Երկեր, Պատմուածքներ, Թատերախաղեր

Գէորգ Պետիկեան Ուսուցչական ասպարէզի կողքին ան միշտ զբաղած է գրականութեամբ:

  • 2003-ին Լոս Անճելըսի մէջ քանի մը անգամներ մեծ յաջողութեամբ բեմականացուած է Գ. Պետիկեանի "Փոթորիկ՝ գաւաթ մը ջուրին մէջ" թատերախաղը
  • 1997-ին հրատարակած է "Մայթերու անցորդը" պատմուածքներու անդրանիկ հատորը եւ ապա՝
  • Ունի անտիպ գործեր՝ "Անէծք" վէպը, ինչպէս նաեւ թատերախաղեր
  • 2001-ին՝ "Անգոյն տերեւներ" եւ 2004-ին՝ "Գրադարանս" հատորները
                                     

4.2. Գրականութիւն Գէորգ Պետիկեանի "Բարեւ Հալէպ" նոր երկի գինեձօնը

5 Սեպտեմբեր 2008-ին, Կլէնտէյլի հանրային գրադարանին մէջ տեղի ունեցաւ Գէորգ Պետիկեանի "Բարեւ Հալէպ" նոր երկի գինեձօնը:

Օրուան բանախօսն էր Հալէպէն այս գինեձօնին համար յատուկ ժամանած հրապարակագիր եւ գրող, մեծարեալին նախկին աշակերտուհի Պերճուհի Աւետեանը: Ան գծեց Գէորգ Պետիկեանի անհատական ուրուագիծը՝ 1968-էն սկսեալ, երբ երիտասարդ հեղինակը ոտք կոխած է ուսուցչական աշխատանքի սեմը. ան պատմեց Պետիկեանի լրջութեան եւ միաժամանակ զուարթ նկարագրի, խորիմաստ թելադրանքներու եւ կատակախօսութիւններու մասին:

Մանրամասնութիւններ պատմելով գինեձօնուած երկին մասին՝ Աւետեան ներկայացուց, թէ գիրքը կ՛ընդգրկէ 21 արձակ եւ 4 չափածոյ կտորներ, ոչ բոլորը, բայց մեծ մասամբ նուիրուած 40 տարի բաժանումէ ետք հեղինակին Հալէպ այցելութիւն-ուղեւորութեան՝ վերադարձին դէպի այդ պարզունակ կեանքը եւ պարզունակ, բայց շատ մարդասէր բնակիչները:

Գիրքին մէջ տեղ գտած են նաեւ ամերիկեան միջավայրէն քաղուած միջադէպեր եւ մտորումներ: Նկարագրութիւններուն յուզականութիւնը խորապէս տպաւորիչ դարձուցած է գիրքին բոլոր կտորները: Աւետեան իր ելոյթը եզրափակեց, ըսելով. "Բարեւ Հալէպ" ը ջերմացուց Սփիւռքի գրականութեան գորշ երկինքը":



                                     

4.3. Գրականութիւն ԳԷՈՐԳ ՊԵՏԻԿԵԱՆԻ" ԴԻՄԱՏԵՏՐՍ "ԳԻՐՔԻՆ ՇՆՈՐՀԱՀԱՆԴԷՍԸ

19 Դեկտեմբեր, 2012-ի, երեկոյեան ժամը 7-ին, Ազգային Առաջնորդարանի "Տիգրան եւ Զարուհի Տէր Ղազարեան" սրահին մէջ, "Ասպարէզ" օրաթերթի խմբագրութեան եւ Ազգային Առաջնորդարանի Մշակութային-Դաստիրակչական Յանձնախումբին կազմակերպութեամբ, տեղի ունեցաւ ծանօթ հրապարակագիր, ուսուցիչ ու գրող Գէորգ Պետիկեանի նորագոյն գիրքին՝ "Դիմատետրս" հատորին ողջունահանդէսը: Ձեռնարկը կը վայելէր Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեանի հովանաւորութիւնն ու ներկայութիւնը: Ներկայ էին Կրօնական Ժողովի ու Ազգային Վարչութեան անդամներ, գրողներ, մշակոյթի գործիչներ եւ մեծ թիւով գրասէր հասարակութիւն։ Հատորին ներկայացման կողքին, կիրարկուեցաւ գեղարուեստական յայտագիր։

Առաջնորդ Սրբազանը նկատել տուաւ, որ Գէորգ Պետիկեանի ծննդավայր Հալէպը կարեւոր տեղ ունի ո՛չ միայն անոր գրականութեան մէջ, այլ նաեւ յետեղեռնեան մեր կեանքին մէջ, եղած է բազմաթիւ այլ հայօճախներու մայրը եւ աւիշի աղբիւրը։

Հալէպ՝ Մեր Հէքեաթային Քաղաքը



                                     

4.4. Գրականութիւն Գէորգ Պետիկեան՝ Հայաստանի Գրողներու Միութեան Անդամ

"Ասպարէզ" ի տարիներու աշխատակից, շարք մը գիրքերու հեղինակ Գէորգ Պետիկեան 2015 թ. դարձած է Հայաստանի Գրողներու Միութեան անդամ։

                                     

5. Պարգեւ՝ "Մայրենի Դեսպան" ի շքանշան

17 Մայիս 2015-ի,նախաձեռնութեամբ Ամերիկայի Խարբերդ մշակութային միութեան, իր յիսնամեայ վաստակին առ ի գնահատանք եւ երախտագիտութիւն, յատուկ հանդիսութեամբ պարգեւատրուեցաւ ՀՀ սփիւռքի նախարարութեան "Մայրենի Դեսպան" ի շքանշանով:

ՀՀ Լոս Անճելըսի գլխաւոր հիւպատոսութեան ներկայացուցիչ Վալերի Մկրտումեան իր կարգին, նախ բեմ հրաւիրեց յոբելեար Գէորգ Պետիկեանը եւ ապա իր սրտի խօսքով շեշտեց հայ մշակոյթի արժէքն ու անոր անհրաժեշտութիւնն ու էականութիւնը մեր ժողովուրդի կեանքին մէջ։ Մկրտումեան նաեւ մեծապէս գնահատեց հայ մշակոյթի սպասարկու եւ խնկարկու Պետիկեանի խոնջէնքը եւ յատկապէս անոր հայ գրողի, մտաւորականի եւ հայ ուսուցիչի վաստակը, ապա սրահի խանդավառ մթնոլորտին եւ ծափողջոյններու տարափին մէջ, անոր կուրծքը զարդարեց ՀՀ սփիւռքի նախարարութեան "Մայրենի Դեսպան" ի շքանշանով՝ ընթերցելէ ետք անոր համապատասխան վկայագիրը:

Ձեռնարկին, Վաչէ արք. Յովսէփեանի կողքին, ներկայ էին նաեւ թեմակալ երկու առաջնորդներու ներկայացուցիչները, ՀՀ Լոս Անճելըսի գլխաւոր հիւպատոսի ներկայացուցիչ Վալերի Մկրտումեան, Լոս Անճելըսի քաղաքապետական խորհուրդի անդամ Փօլ Գրիգորեան, Կլենտէյլի քաղաքապետ Արա Նաճարեան, հայ մամուլի ներկայացուցիչներ, Մաշտոց քոլեճի հիմնադիր-տնօրէն դոկտ. Կարպիս Տէր Եղիայեան, գաղութիս Համազգայինի ինչպէս նաեւ Մարաշի, Պէյլանի, Այնթապի եւ Հաճընի հայրենակցական, մշակութային միութիւններու, նաեւ ՀՕՄի ներկայացուցիչներ եւ Պետիկեանի ընտանեկան պարագաներն ու ազգականները, Հալէպի ճեմարանական անոր ընկերներն ու աշակերտ-աշակերտուհիները, շրջանէն մտաւորականներ, անոր դասընկերները, վարժարաններու ուսուցիչներն ու ուսուցչուհիները եւ շուրջ 250 հիւրեր եւ մշակութասէրներ:

                                     

6. Գնահատագիրներ

17 Մայիս, 2015-ի, Գէորգ Պետիկեանի յիսնամեայ վաստակին առ ի գնահատանք եւ երախտագիտութիւն, Լոս Անճելըսի քաղաքապետութեան անդամ Փօլ Գրիգորեան նախ արտասանեց իր սրտի խօսքը՝ վեր առնելով Խարբերդն ու Պետիկեան խարբերդցիին արժանիքները, ապա անձամբ կարգով յանձնեց հետեւեալ գնահատագիրները՝

  • California Legislature, Assembly, Khatchik H. Katcho Achadjian-էն
  • California State Senate-Carol Sue-էն,
  • City of Los Angeles-Paul Krikorian-էն,
  • California Legislature, Assembly, Make Gatto-էն
  • Board of Supervisors County of Los Angeles Michael D. Antonovich-էն,
  • City of Glendale, Mayor Ara Najarian-էն։ Այս վերջինը՝ Կլենտէյլի քաղաքապետ Արա Նաճարեան իր սրտի խօսքէն ետք անձամբ յանձնեց
  • County of Los Angeles 5 Supervisors-ներու ստորագրութեամբ,
  • S.S. House of Representative Adam B. Schiff-էն
  • Mashdots College Lifetime Achievement Award, Garbis Der Yeghiayan, PhD-էն,
                                     

7. Աղբիւրներ

  • Գրող, Հրապարակագիր Գէորգ Պետիկեան Իր Յիսնամեայ Վաստակին Համար Պարգեւատրուեցաւ "Մայրենիի Դեսպան" Շքանշանով
  • Գ. ՊԵՏԻԿԵԱՆԻ" ԴԻՄԱՏԵՏՐՍ "ԳԻՐՔԻՆ ՇՆՈՐՀԱՀԱՆԴԷՍԸ
  • ԳԷՈՐԳ ՊԵՏԻԿԵԱՆ
  • Գինեձօն Գէորգ Պետիկեանի "Բարեւ Հալէպ" Գիրքին
  • Երեւանի մէջ Գէորգ Պետիկեան "Ես Տեսայ Անին" հատորի շնորհանդէսը պսակուեցաւ Յաջողութեամբ
  • Գէորգ Պետիկեան Պարգեւատրուեցաւ ՀՀ Սփիւռքի Նախարարութեան "Մայրենի Դեսպան" Շքանշանով
  • Ողջո՛յն Քե՛զ, Հա՛յ Զինուոր
                                     

8. Արտաքին յղումներ

  • Հատորի Մը Ծնունդը Գէորգ Պետիկեան
  • Ո՞ՒՐ ԵՐԳԵԼ ԵՒ Ո՞ՒՐ ԱՂՕԹԵԼ ԳԷՈՐԳ ՊԵՏԻԿԵԱՆ Մոնթրէալի "Հորիզոն" շաբաթաթերթի գրական յաւելուածն է։
  • Գէորգ Պետիկեան Գ. Պետիկեան, 2004 - 160 pages
  • Սրտի խօսք` Արամայիս Սահակեանի յիշատակին Գէորգ Պետիկեան
  • Ո՞Վ ՊԻՏԻ ՓՐԿԷ ՍՈՒՐԻԱՆ Գէորգ Պետիկեան 2013
  • "Պապիկը Կարդալ Չի Գիտեր" Գէորգ Պետիկեան, 2015
  • Գանձասար ԳԷՈՐԳ ՊԵՏԻԿԵԱՆ
  • "Բարեւ Հալէպ" Հեղինակ Գէորգ Պետիկեան
  • Գէորգ Պետիկեան՝ Հայաստանի Գրողներու Միութեան Անդամ
  • ՅԱՐԳԱՆՔԻ ՏՈՒՐՔԻՍ ԿՑՈՒԱԾ՝ ԲԱՐԻ ՄԱՂԹԱՆՔՆԵՐՍ 19 Դեկտեմբեր 2018 Գէորգ Պետիկեան
  • ՀՕՄի "Թալին" Մասնաճիւղի Շաբաթօրեայի Աշակերտները Այցելեցին Ազգ. Առաջնորդարան տնօրէն Գէորգ Պետիկեան
  • ԱՍՊԱՐԷԶ "ԳՐՈՂԻ ԱՆԿԻՒՆ" ԳԷՈՐԳ ՊԵՏԻԿԵԱՆ
Free and no ads
no need to download or install

Pino - logical board game which is based on tactics and strategy. In general this is a remix of chess, checkers and corners. The game develops imagination, concentration, teaches how to solve tasks, plan their own actions and of course to think logically. It does not matter how much pieces you have, the main thing is how they are placement!

online intellectual game →